Hope ਆਸ

 ਆਸ : Hope

ਰਹਿੰਦੀ ਜ਼ਿੰਦਗੀ ਨੂੰ ਜੋੜੀ ਰੱਖਣ ਦਾ ਭਰਮ

ਭਰਮ ਵਿੱਚ ਸਦੀਆਂ ਨਿਕਲ ਜਾਂਦੀਆਂ ਨੇ

ਸਦੀਆਂ ਬਾਅਦ ਵੀ ਕਹਾਣੀਆਂ ਦੇ

ਪੂਰਨ ਹੋਣ ਦੀ ' ਆਸ' ,

'ਆਸ' ਜ਼ਿੰਦਗੀ ਨੂੰ ਸੁਪਨੇ ਵਿਖਾਈ ਜਾ ਰਹੀ ਹੈ,

ਸੁਪਨਿਆਂ ਦੀ ਆਸ ਵਿੱਚ ਹੀ ਹਕੀਕਤ

ਪਨਪ ਰਹੀ ਹੈ,

ਪਨਪਦੇ ਅਣਗਿਣਤ,

ਅਣਕਹੇ ਸੁਪਨੇ ਜਜ਼ਬਾਤਾਂ ਦੇ ਤੀਰ

ਤਿੱਖੇ, ਹੋਰ ਤਿੱਖੇ ਕਰੀ ਜਾ ਰਹੇ ਨੇ,

ਤਿੱਖੀ ਧਾਰ ਸੁਪਨੇ ਦਾ ਪਰਦਾ ਚੀਰ ਕੇ

ਕੁਝ ਹਕੀਕਤ ਬਣ ਰਹੇ ਹਨ

ਕੁਝ ਸਿਰਫ਼ ਚੱਲਦਾ - ਫਿਰਦਾ ਅਹਿਸਾਸ,

ਉੱਕਾ ਅਹਿਸਾਸ, ਬੇਮਤਲਬਾ,

ਸਿਰਫ਼ ਸੁਪਨੇ ਦਾ ਸੁਪਨਾ ਹੀ,

ਪਰ ਫ਼ੇਰ ਕਦੇ ਨਾ ਕਦੇ ਕਿਸੇ ਦੇ ਆਣ

ਢੁੱਕਣ ਦੀ ਆਸ ਬਰਕਰਾਰ ਹੈ,

ਪਤਾ ਨੀ? ਕਿਹੜੇ ਪਾਸੇ,

ਕਿਧਰੇ ਤਾਂ ਹੈ, ਆਸ - ਪਾਸ।

ਸੁਗਮ ਬਡਿਆਲ