Dil De Khayal ਦਿਲ ਦੇ ਖਿਆਲ

ਪਾਣੀਆਂ ਵਾਂਗ ਵਹਿੰਦੇ ਰਹਿ
'ਦਿਲਾ' ਤੂੰ ਜਜ਼ਬਾਤਾਂ ਨੂੰ ਨਾਲ  ਲੈ ਕੇ,

ਸੁਣਦਾ ਰਹਿ, ਹੱਸਦਾ ਰਹਿ
ਬੇਫਿਕਰ ਰਹਿ ਦੁਨੀਆਂ ਦੀ ਗੱਲਾਂ ਬਾਤਾਂ ਤੋਂ,

ਰੁੱਸਦਾ ਰਹਿ, ਫ਼ੇਰ ਮਨਾਉਂਦਾ ਰਹਿ
ਮੌਸਮਾਂ ਵਾਂਗ ਰਹਿ ਬਦਲ - ਬਦਲ ਖੇਡ ਖੇਡਦਾ,

ਰੌਸ਼ਨੀ ਨਾਲ ਗੱਲ ਕਰ
ਕਦੇ ਨੇੵਰਾ ਜੇ ਹੋਜੇ, ਪੱਕਾ ਜਿਹਾ ਹੋ ਜਾ ਇਮਾਰਤ ਬਣਕੇ,

ਵਹਿੰਦਾ ਰਹਿ ਕੁੱਲ ਖਿਆਲਾਂ ਨੂੰ ਮੰਨਾ ਕੇ
ਤੁਰਦਾ ਰਹਿ ਆਪਣੀ ਸੋਹਣੀ ਕਿਸਮਤ ਬਣਾ ਕੇ,

ਗਾਉਂਦਾ ਰਹਿ ਤੂੰ ਗਜ਼ਲਾਂ ਇਸ਼ਕੇ ਦੀਆਂ
ਤੁਰਦਾ ਰਹਿ ਰਾਹੋਂ ਰਾਹੀਂ ਬੇਸੁੱਧ ਫਕੀਰ ਬਣ ਕੇ,

ਸੱਜਦਾ ਰਹਿ ਦਿਲਾ ਸੋਹਣੀ ਕਾਇਨਾਤ ਬਣਕੇ
ਵਹਿੰਦਾ ਰਹਿ ਤੂੰ ਮੇਰੀਆਂ ਕਲਮਾਂ ਦੀ ਸਿਆਹੀ ਬਣਕੇ,

ਲੈਂਦਾ ਰਹਿ ਅੰਗੜਾਈਆਂ ਜਿਵੇਂ
ਸਵੇਰ ਦੀਆਂ ਨਿੰਦਰਾਂ ਤੋਂ ਉੱਠਕੇ ਨਵੀਂ ਸਵੇਰ ਬਣਕੇ,

ਵਹਿੰਦਾ ਰਹਿ ਤੂੰ ਠੰਡੇ ਪਾਣੀਆਂ ਵਾਂਗ
ਮੇਰੀ ਰੂਹ ਨੂੰ ਸੱਚੇ ਅਹਿਸਾਸ ਕਰਵਾਉਂਦਾ ਰਹਿ
ਹਰ ਵਕਤ ਪਿਆਸ ਬਣ ਕੇ,

ਸੁਗਮ ਬਡਿਆਲ